डा. अञ्जना डंगोल (सिंह)

Dr. Anjana Dongol

डा. अञ्जना डंगोल (सिंह) छम्ह मिसा ल्वय् विशेषज्ञ ख: र्इ सं १९७३, सेटेम्बर महिनाया १ तारिख खुन्हु येँ महानगरपालिका वडा नं १२, चल्खु त्वालय् जन्म जुयादीम्ह थ्वय्‍क: नीखुदँया वैसय् डाक्टर जुयादीगु ख: । र्इ.सं १९९९ लय् बंगलादेशया University of Science & Technology विश्वविद्यालयपाखें एम.वि.वि.एस यानादीम्ह थ्वय्‍क: सन् २००६ स स्त्री रोग विशेषज्ञ जुयादीगु ख: । थ्वय्‍कलं छिमेकी राष्ट्र चीनया University of Zhengzhou पाखें एम.डी. (Master of Doctor) यानादीगु ख: । थ्वय्‍कलं थौं कन्हय् Northumbria University, U.K. पाखें पीएचडी यायेगु तयारी यानाच्वनादीगु दु । अबु रामबहादुर डंगोलया स्वम्हम्ह म्ह्याय्‍मध्ये थ्वय्‍क: त:धीम्ह म्ह्याय् ख: । मचानिसें हे डाक्टर जुइगु इच्छा दुम्ह थ्वय्‍क: थौंकन्हय् Katmandu University धुलिखेलय् पेशागत रुपं ज्या यानावयाच्वनादीगु दु । थ्वय्‍क: काठमाडौं युनिभर्सिटी स्कूल अफ मेडिकल साइन्सया Assistant Proffessor नं ख: । समाजसेवाय्‍ नं उलि हे नुग: क्वसा:म्ह थ्वय्‍क: थौंकन्हय्‍ थीथी सामाजिक संघ संस्थाय्‍ गनं Medical Officer सा गनं Health Adviser थें ज्व:गु जिम्मेवार पदय् च्वना: ज्या यानावया च्वनादीगु दु ।