नेपालभाषा अले नेपाली भाय्या नाटक, ख्याल: अले संकिपा ख्य:या नितिं छगू लुमंकेबह:गु नां ख: अन्नपूर्ण्ोश्वरी श्रेष्ठ । अन्नपूर्ण्ोश्वरी श्रेष्ठयात छम्ह स्यल्लाक अभिनय याइम्ह अभिनेत्रीकथं म्हसीकेगु या: ।ता: र्इतक कला क्ष्ोत्रय् निरन्तरता बिया वयादीम्ह अन्नपूर्ण्ोश्वरी ४४ सालपाखे नाटक म्हिता: थुगु ख्यलय् पला: तयादीगु ख: । उगु इलय् दँय् छगू निगू जक संकिपा दयेकीगु व छुं छुं ल्याखय् जक टेलिसिरियलत दयेकीगु ख: धा:सा दबूप्याखं, पूधाप्याखं (नाटक) अले ख्यालि प्याखं धा:सा यक्व हे दयेकेगु या: ।उकिं व इलय् कलाक्ष्ोत्रय् थ:गु प्रतिभा क्यनेगु माध्यमया रुपय् पूधा:प्याखं नाटक विधा यक्व हे लोकंह्वा: । थथे जुया: हे मचाबलय् निसें अभिनयपाखे नुग: क्वसा:म्ह अन्नपूर्ण्ोश्वरीं थ:गु प्रतिभा ब्वयेत थुगु विधा हे ल्ययादीगु ख: । वय्कलं न्हापांखुसी 'बसन्तमा ओइलाएका फूलहरु' नांगु नाटक म्हितादीगु ख: । अथेहे नेपालभाष्ााय् वय्कलं म्हितादीगु न्हापांगु दबू प्याखं गिरिजाप्रसाद जोशीं च्वयादीगु अले मथुरा श्रेष्ठ व बद्री नेपालं निदर्ेशन यानादीगु 'हाकु स्वाहाने' ख: । नेपालभाष्ाां दक्कले न्हापां म्हितादीगु संकिपा रवि राजोपाध्यायया 'अंशबण्डा' ख: । तर थ्व संकिपा धा:सा पिहाँव:गु खनेमदु । ८० गुलिं मल्याक पूधा:प्याखं, यक्व हे प्याखनय् संकिपा अले टेलिसिरियलय् नं अभिनय यानादी धुंकूम्ह अन्नपुर्ण्ोश्वरीं यक्व हे रेडियो नाटक अले सडक नाटकय् नं ज्या यानादी धुंकूगु दु । अले थ:म्हेसियां या:गु ज्याय् छगू बांला:गु इमेज दयेके नं ता:लाये धुंकूगु दु । वयक्:यात कला:या थुगु सकतां विधापाखें छगू प्रसिद्धी नं बीगु ज्या या:गडु खनेदु । नेपालभाष्ाा साहित्य ख्यलय् बांला:गु योगदान बियाव:गु संस्था 'पलिस्था'पाखें न्ह्याकूगु न्हापांगु पलिस्था ख्याल: कासांनिसें वय्कलं थ:गु सहभागिता क्यनादीगु ख: । मदुम्ह निदर्ेशक महेशमान जोशीया निदर्ेशनय् म्हितादीगु 'का का का...' ख्याल:पाखें वय्कलं सर्वश्रेष्ठ अभिनेत्रीया सिरपा त्याकादीगु ख: । थथे निरन्तर रुपं वय्कलं नेपालभाष्ााया ख्यालि प्याखं ख्यलय् नं ज्या यानावयाच्वंगु ख: । अथेहे ख्यालि ख्य:या थीथी स्रष्टा अले कलाकारतय् संस्था ख्यालिगुलुपाखें नं इलय्ब्यलय् थीथी ख्यालिं जा:गु ज्याझ्व:त यानावयाच्वंगु दु धा:सा थुकी अन्नपूर्ण्ोश्वरीं नं ब्वति कयावयाच्वनादीगु दु । अन्नपूर्ण्ोश्वरी नेपालभाष्ाा संकिपा ख्यलय् यक्व संकिपा म्हितादीम्ह अभिनेत्री मध्ये छम्ह नं ख: । वय्कलं राज शाक्यया निदर्ेशनय् दयेकेज्या जूगु 'सर्ग: मिला', 'बारा सी', 'मिजं', 'शंकरा'य् म्हितादीगु दु । अथेहे आर्यम नक:मिया 'सुभाय्', 'पपू मदुम्ह झंग:', प्रकाशराज मानन्धरया 'न्हूम्ह भौमचा', 'काय्मचा ल्याय्म्ह' (शुटिङ जुयाच्वंगु) म्हितादीगु दु । 'यां मिखा', 'पटाचारा', 'चण्डालिका', 'मनू मखुम्ह मनू'स नं वय्कलं ज्या यानादीगु दुसा नेपालभाष्ााया वरिष्ठ च्वमि अले निदर्ेशक श्रीक ृष्ण्ा अण्ाुया निदर्ेशनय् दयेकेज्या जूगु टेलिसिरियल 'तं बैंक'य् महेशमान जोशीया जोडीया भूमिका म्हितादीगु ख:सा श्रीक ृष्ण्ा 'अण्ाु'जुया त:धंगु योजनाकथं दयेकादीगु 'सितुलानी' नं अभिनय यानादीगु दु । तर दुर्भाग्यवस वरिष्ठ च्वमि, निदर्ेशक अले प्याखंम्व: श्रीक ृष्ण्ा 'अण्ाु'जु म्हंमफुगुलिं थ्व संकिपा दिनाच्वंगु दु । 'ख्वताबजि' टेलिसिरियलया नं वय्क: छम्ह लोकंह्वा:म्ह पात्र नं ख: । वयक्लं ख्वताबजिया 'जन्तर' नांगु ब्वय् म्हितादीगु भूमिकां वय्क:यात यक्वसिनं 'जन्तर तता:जु' धका: तकं म्हसीकेगु या:गु खँ लुमंका दी । 'ख्वताबजि' सिरियलय् वय्कलं आतक नं थ:गु निरन्तरता बियाच्वनादीगु दु । अथेहे वय्कलं नेपाली टेलिप्याखंत 'अक्ष्ार', 'अब के होला', आफ्नो आकाश पनि सुक्छ', 'भत्केको घर', 'आगोको भिmल्को', 'निष्कर्ष्ा', 'चत्रmवात', 'बस्ती बस्ती खोजिरहेछ' नापं मेमेगु भिडियो संकिपा व त:धंगु पर्दाया संकिवा 'गाजल'य् नं म्हितादीगु दु । थथे नीनिदँ न्ह्य:निसें थ:त कला क्ष्ोत्रय् पाना: आतक निरन्तरता बियाव:म्ह अन्नपूर्ण्ोश्वरीयात अभिनयया ख्यलय् ता:र्इतक अनुभवं खारे जुइधुंकूगु दु । छुं नं स्कूल वा इन्ष्िटच्यूटपाखें वय्कलं अभिनयसम्बन्धी प्रशिक्ष्ाण्ा कयादीगु मदु । बरु स्यल्ला:पिं निदर्ेशकपिंपाखें वय्कलं अभिनयया यक्व ज्ञान कयादीगु दु धा:सा थ:गु शोख व लगनशीलतां वय्क:यात छम्ह प्रतिभाशाली कलाकार दयेकाब्यूगु दु । ता: र्इतक संकिपा ख्यलय् लगय् जूसां थुकियात व्यावसायिकता बी फगु स्थिति धा:सा मदुगु वय्क:यउा विचा: दु । अय्नं परिवारया ग्वाहालिं थुगु ख्यलय् निरन्तरता बीफुगु खँ नं कनादी । यक्व सम्मान व सिरपा त्याकेत नं ता:ला:म्ह अन्नपूर्ण्ोश्वरी श्रेष्ठया नेपालभाष्ाा संकिपा अले ख्यालि ख्यलय् यानादीगु ज्यायात सकारात्मक रुपं कायेमा: । अले थुगु ख्यलय् वय्कलं यानादीगु ज्याया उचित मुल्यांकन नं जुइमा: ।
No comments:
Post a Comment