उखे खस नेपाली भाय्पाखें वय्कलं राष्टि्रय प्रतिभा पुरस्कार २०५३, साहित्य सन्ध्या पुरस्कार नापं यक्व सिरपा व हनापौ नं कयादी धुंकूगु दु । अथेहे प्रगतिशील लेखक संघं वि.सं. २०६३ सालय् वय्क:यात सम्मान पत्र नं ब्यूगु ख: । अथेहे सन् १९९६–१९९७ स वय्कलं सार्क मेरिट अवार्ड नं त्याकादीगु ख: । अथेहे ने.सं. १०९९ स विराट नेपालभाषा साहित्य गुथिं हनापौ देछागु ख: ।
मां देवकुमारी व अबु काजीबहादुर वैद्यया कोखं नेपाल संवत् १०६१ गुन्हुपुन्ही खुन्हु ख्वपया च्वछें त्वालय् वय्क:या जन्म जूगु ख: । वय्कलं ख्वपया श्री पद्म हाइस्कूलं एसएलसी पास यानादीगु ख: धा:सा त्रिचन्द्र क्याम्पसं आर्इए तत्कालीन नेशनल कलेज (थौंकन्हय्या शंकरदेव क्याम्पसं) बी.ए. यानादीगु ख:सा त्रिभुवन विश्वविद्यालय किपूपाखें एमए यानादीगु ख: । वय्कलं वि.सं. २०२२/२३ सालपाखे पद्मोदय स्कूलय् नेपालभाषा ब्वंका स्यनामि ज्या न्ह्याकादीगु ख:सा अनंलिपा पाटन संयुक्त क्याम्पसय् सह–प्राध्यापकया रुपय् स्यनामि जुया: ज्या यानादीगु ख: ।
पूर्ण वैद्यं सृजना यानादीगु नेवा: गद्य कविता विश्व साहित्यया स्तरया कविताया रुपय् नं कायेगु या: । लिपांगु इलय् सन् २००८ स अमेरिकां प्रकाशित् ल्याङवेज फर न्यू कन्ट्री नांगु विश्व साहित्य मुना सफुतिइ वय्क:या 'ल: ल: ख:' नांगु कविता अनुवाद जुया: पिहाँ व:गु ख: । वय्कलं च्वयादीगु कविताया हरफयात पर्सड् इन्टु कलर्स ९एबचकभम ष्लतय ऋययिगचक० यात हे छ्यं बिया: थुगु सफूया निगूगु अध्याय सुरु यानात:गु दु । वय्कलं उत्तर कोरिया स्थापना जूगु ५० गू मुत्तmि दिवसया लसताय् जूगु एशिया, अफ्रिका व ल्याटिन अमेरिकाया कवितय् दथुइ जूगु कविता प्रतियोगिताय् न्हाप जुया: सिरपा नं त्याकादीगु ख: । उगु कविता 'द सन साइन्स अल ओभर द वल्र्ड' धइगु सफुतिइ अंग्रेजी व कोरियन भासं पिदंगु ख: ।
अथेहे वय्क:या कविता हिन्दी, उदर्ू लगायत भासं नं अनुवाद जूगु दु । थुकथं पूर्ण वैद्यं नेपालभाषा साहित्ययात विश्वस्तरया साहित्य नाप तुलना याये फइगु थाय् दयेकादीगु दु । थ्व नेपालभाषा साहित्यया नितिं गौरवया खँ ख: ।
This Article is written by Ratna Kaji Maharjan "Lunibha".
ReplyDelete